Sunday, February 18, 2018

Avon Epic Lip Lipstick Review


Авон има нова колекција на кармини и денес јас ви пишувам рецензија за истите. Кармините на Авон ги обожавам затоа што имаат одлична цена а нудат огромен квалитет.
Денес ви пишувам за Epic Lip кармините од кои што во колекцијата има 17 нијанси а денес јас ќе ви претставам 3 од нив, секако дека планирам да си порачам уште неколку нијанси.


Паковањето многу ми се допаѓа, практично е и е изработено од квалитетна пластика. За цена од 185 ден (цената е од моменталната кампања 03/2018) добивате 3,6 g производ што е одлично.

Што пишува Авон за кармините:
  •  Интензивна Боја
                     Два пати повеќе пигменти од традиционалниот кармин на Авон
  •  Неверојатна  долготрајност
                      Благодарение на внатрешната подлога бојата останува на усните со часови
  • Совршена Измазнетост
                     Ги измазнува омекнува и хидрира усните




Овие кармини навистина имаат голема пигментација што сум воодушевена. Бојата е интензивна и богата со само еден слој.
Се нанесуваат многу лесно, буквално се лизгаат по усните и врвот на самиот кармин е совршен за да ги нанесете прецизно без моливче за усни.


Морам да признаам дека исто така сум изненадена од долготрајноста, затоа што најчесто ”сјајните” кармини мене ми траат кратко на усните ама овие особено црвената нијанса стоеше совршено на усните со часови.

Јас сум многу задоволна и ви препорачувам да ги пробате затоа што верувам дека секој може да се пронајде во некоја од нијансите.

Friday, February 2, 2018

Aura City Lights Review



Здраво после долго време! Денес ви пишувам на мојата омилена тема а тоа се хајлајтерите. Денес ќе ви пишувам за кремасти, течни и во камена форма.
Се работи за производи од брендот на Аура и морам на напишам од почеток дека сум многу пријатно изненадена.


Aura Strobing Palette - Ова е палета со 3 хајлајтери во 3 различни нијанси. Хајлајтерите се сместени во квалитетно пластично паковање со вградено мало огледало и можат да се користат 18 месеци.
Во оваа палета добивате еден шампањ-златен хајлајтер, еден со розев сјај и еден бронзен.
Текстурата на самите хајлајтери е многу путераста, мека буквално се топи на допир и се многу пигменирани. Мене ми е една од омилените палети, на лицето се добива преубав впечалив сјај, плус можат да се користат и како сенки па лесно можете да постигнете сјаен гламурозен изглед. Најчесто ги користам за вечерна шминка.



Aura Strobing Sticks - Овие два производи ме изненадија најмногу. Двете нијанси се прекрасни, пигменирани, даваат преубав 'влажен' сјај и се многу долготрајни. Светлата нијанса ја користам како хајлајтер, на образите, малку под веѓата и на очите нијансата е преубава светла со бисерен сјај. Бронзената нијанса ја користам како руменило и изгледа прекрасно. Овие два производи се 'must have' особено за секодневно шминкање и дека можат да се користат за повеќе намени.


Aura Strobing Cream - Овие два производи ги користев како база за течна пудра. Многу ми е допаѓа сјајот што го добивав. Едната е посветла едната потемна нијанса ама при апликација се добива само нежен ненападен сјај. Двете нијанси содржат бисерен сјај без светки што многу ми се допаѓа. Особено за девојки со сува кожа се совршени.




  • Swatches од нијансите:


Според рецензијата самите можте да одлучите кој производ би ви одговарал најмногу иако јас ги препорачувам да ги пробате сите затоа што се работи за навистина одлични производи и јас многу често ги користам. Особено ако сакате интензивни хајлајтери оваа колекција ви е 'must have'. 

Saturday, December 16, 2017

Ziaja Cosmetics Review


Верувам дека сите сте слушнале или сте пробале барем нешто од брендот Зиаја.
Зиаја е производител на високо квалитетна природна козметика за нега на лице, тело и коса.
Денес ви пишувам за дел од производите што јас ги пробав. 

Ziaja Goat's Milk Hair Mask



Ќе започнам со маската за коса затоа што многу ми се допадна и можам слободно да кажам дека е една од најдобрите што ги имам пробано во последно. Маската е наменета за зајакнување на сувата коса без сјај. Морам да признаам дека бев малку скептична пред да ја пробам, ама оваа маска е многу подобра од многу поскапи маски што ги имам пробано. Косата ми е многу по мека и по сјајна, се чувствува многу лесно и врвовите од косата изгледаат поздраво, косата добива влажност и полесно се оформува. Јас ја користев два пати неделно или зависно од потребите на косата. Многу сум задоволна и многу ви ја препорачувам.


Ziaja Goat's Milk Body Lotion 



Прво морам да напишам дека паковањето многу ми се допаѓа и многу е практично затоа што има пумпа за аплицирање. Исто така многу ми се допаѓа мирисот и текстурата. Мириса многу свежо и лесно, а текстурата е средно густа и брзо се впива во кожата што е голем плус и не остава мрсно и лепливо чувство на кожата. После нанесување кожата ми е многу мека, мазна и има здрав сјај. Мене многу ми се допаѓа и секако планирам да ги пробам и другите лосиони од овој бренд.


Ziaja Hand & Nail Cream


Ако не сакате креми со густа текстура и креми што оставаат лепливо чуство на кожата тогаш ви ја прпорачувам оваа на Зиаја. Овој крем за раце е совршен, има многу лесна текстура и се суши/впива во кожата за само 15 секунди. Ако немате премногу сува и испукана кожа тогаш мора да ја пробате затоа што според моите критериуми ова е совршена крема за раце. Јас имам проблем со суви кутикули особено во зимскиот период, ама од кога ја користам кремата кожата ми изгледа многу подобро. Единствена замерка имам за паковањто, јас би преферирала кога би сместена во тубичка затоа што на тој начин помногу полесно можам да ја носам со себе иако и сега не ми представува некој голем проблем.


Ова се дел од прозводите што јас ги имам пробано и сум презадоволна затоа што во однос на цената добивате одличен квалитет. Јас секако планирам да пробам што повеќе производи од овој бренд па би ви била многу благодарна ако ми напишете ваши препораки.


Tuesday, December 12, 2017

Real Techniques Miracle Complexion Sponge Review



Во Македонија конечно добивме Real Techniques па затоа решив да ја објавам рецензијата на сунѓерчето за течна пудра од овој бренд. Real Techniques четките ги обожавам, некои ги користам со години и сеуште се во одлична форма како на почетокот кога ги купив.

Сунѓерчето дефинитивно ми е најомилено и не можам да замислам да нанесам течна пудра или коректор со нешто друго.
Самото сунѓерче е многу меко, при допир со вода се зголемува и станува по флексибилно за употреба. 


Коректорот се нанесува прелесно, изгледа преубаво и мислам дека дури најскапата четка не може да го нанесе коректорот подобро од сунѓерче. Коректорот го нанесувам со заоблената страна,  додека течната пудра со рамната страна.
Исто така ако користите кремасти производи за контурурање би ви препорачала да користите сунѓерче за по природен изглед.

Сунѓерчето го чистам после секоја употреба, најефикасен производ за чистење ми се покажа сапунот на Dove.

Ова сунѓерче можете да го најдете во Anabella Парфимерии низ Македонија.
Цена- 570 ден.

Aliexpress Haul

Алиекспрес не ми е омилено место за купување, ама во последно се повеќе блогерки што ги следам имаа објави на блогот во врска со некои порачки од Алиепспрес па решив и јас да порачам нешто од таму па да споделам импресии со вас.

Јас порачав 3 чанти и еден пар свилени пижами и трепки за сите чекав околу 1 месец освен за трепките тие пристигнаа за 10 дена.

Black Messenger Bag - 20€ (LINK)
Долго време сакав да купам ваква чанта не многу голема што ќе можам да ја носам за излегување а некогаш и за преку ден. Квалитетот е добар за цената што ја платив, единстено не ми се допадна кожниот дел од рачката затоа што не беше доволно зацврстен. Инаку чантата е убава и мека е на допир и што е најважно не содржи мирис.


Mini HandBag - 13€ (LINK) 
Чантава ми беше љубов на прв поглед, прекрасна и е поквлитетна од другите две чанти што ги имам.



Flower Backpack - 16€ (LINK)
Кога и да ја носев чантава добивав многу комплименти, може да се носи како ранец, и како нормална чанта. Единствена замерка е што е многу мала па ако ви треба за книги тетратки, нема да одговара.



Shein Satin Pajama Set - 13€ (LINK)
Пижамите се идентични како на фотографијата затоа не ги фотографирав, и се изненадив од квалитетот на матријалот. Искрено не би порачувала облека од Алиекспрес ама пижамиве беа преслатки и имав среќа да ги добијам истите како на фотографијата.

Mink Lashes - 2,5€ (LINK)
Трепкиве ги порачувам по трет пат и ги имам пробано скоро сите, многу сум задоволна и за таа цена немам пробано подобри многу ви ги препорачувам.


Ова се дел од производите што ги имам порачано од Алиекспрес и делумно сум задоволна, ама сепак никогаш не би купила никаков вид на козметика ниту би ви препорачала да купувате затоа што никогаш не можете да бидете сигурни какви состојки содржат во составот.
Моментално имаме одлични производи од проверени компании низ дрогериите за одлични цени па никако не ви препорачала да ризикувате со не проверена лажна козметика.

Пишете ми дали ви се допаѓаат ваквите објави и што вие најчесто порачувате од Алиекспрес?